1 ແພັກ · ງ່າຍ · 270 ນາທີ · ₭ ປານກາງ

ບໍ່ຄິດວ່າມັນຊິເຮັດງ່າຍແລະແຊບປານນີ້ ແຊ໋ວມ໋ອນດອງສະອິ້ວ, ເຮັດກິນແລ້ວແຊບຖືກໃຈ, ເລີຍຢາກມາແຊສູດໃຫ້ສາຍກິນທັງຫລາຍໄດ້ໄປລອງເຮັດເບິ່ງ... ງ່າຍກ່ອນຈືນໄຂ່ ກະເຮັດແຊ໋ວມ່ອນດອງສະອິ້ວນີ້ລະນ່າ!

ເຄື່ອງປຸງ

• ປາແຊວມ່ອນເປັນຕ່ອນ 200 ກຣາມ, ບໍ່ເອົາໜັງ
• ຂີງສົດ 6 ປ່ຽງ
• ສະອິ້ວ ກິໂກແມນ ແກ້ວນ້ອຍ 10 ບ່ວງແກງ
• ຊ໊ອສ ມິຣິນ 3 ບ່ວງແກງ
• ນ້ຳຕານຊາຍຂາວ 4 ບ່ວງແກງ
• ນ້ຳ 10 ບ່ວງແກງ
• ກະທຽມສົດ 4 ກີບ
• ຫມາກເຜັດດິບແດງ 5 ໜ່ວຍ
• ງາຂາວ 2 ບ່ວງແກງ

ວິທີເຮັດ

1. ໃສ່​ຂີງ​ແກ່ທີ່ຝານແລ້ວ,​ ສະອິ້ວ, ມິຣິນ, ນ້ຳຕານ, ແລະນ້ຳດື່ມ ລົງໃນໝໍ້, ​ຕົ້ມ​ໃຫ້ຟົດ​ 3-5ນາທີ ແລ້ວ​ເອົາອອກປະໄວ້ໃຫ້ເຢັນ.​

2. ຊອຍແຊວມ່ອນເປັນຕ່ອນ, ​ຊອຍກະທຽມ, ໝາກເຜັດ​ເປັນຕ່ອນນ້ອຍ.

3. ຈັດແຊ່ວມ໋ອນໃສ່ຖາດຫລືກັບທີ່ມີຝາປິດ, ໂຮຍກະທຽມ, ໝາກເຜັດ, ແລະ​ງາຂົ້ວໃຫ້ທົ່ວໜ້າ.​ແລ້ວ​ຖອກນ້ຳສະອິ້ວຕົ້ມລົງໄປໃຫ້​ທົ່ວ​ແລະຖ້ວມພໍດີ.​ ປິດຝາ​ໄວ້​ເຂົ້າຕູ້ເຢັນປະມານ 4ຊົ່ວໂມງ ຫລື​ຮອດ​12​ຊົ່ວໂມງກໍ່ໄດ້.

4. ເອົາອອກມາກິນກັບ ສາຫຼ່າຍ,​ ເຂົ້າ,​ຫລື​ຈ້ຳກັບແຈ່ວ ຊີຟູດ ແລະ ກັບຜັກສົດ ກະແຊບ 😘😋