4 ຄົນ · ງ່າຍ · 20 ນາທີ · ₭ ປານກາງ

ເຂົ້າໜ້າໝູ ຍີ່ປຸ່ນ ແຊບ ແບບຢູ່ຮ້ານເລີຍ. ວິທີເຮັດກະງ່າຍສຸດ ລົດຊາດຖືກໃຈທັງຄອບຄົວເລີຍ :)

ວິດິໂອ

ເຄື່ອງປຸງ

• ໝູຊອຍ ບາງໆ 500 ກຣາມ, ສະໄລ ບາງໆ ແຫ່ງແຊບ, ຫາຊື້ສຳເລັດຮູບໄດ້ ຕາມຮ້ານ
• ຫອມບົ່ວໃຫຍ່ 2 ຫົວ, ຊອຍບາງ
• ຂີງສົດ 1 ບ່ວງກາເຟ, ຂູດມຸ່ນໆ
• ຫອມບົ່ວໃບຊອຍ 1 ບ່ວງແກງ
• ສະອິ້ວຍີ່ປຸ່ນ 1.5 ບ່ວງແກງ
• ສະອິ້ວ ກິໂກແມນ ແກ້ວນ້ອຍ 1 ບ່ວງແກງ
• ຊ໊ອສ ມິຣິນ 3 ບ່ວງແກງ
• ນ້ຳຕານແດງ 1 ບ່ວງກາເຟ
• ນ້ຳມັນພືດ 1.5 ບ່ວງແກງ

ວິທີເຮັດ

1. ຂົ້ວ ຫອມບົ່ວໃຫຍ່ ໃສ່ນ້ຳມັນໃຫ້ເຫລືອງຫອມ

2. ເອົາຊີ້ນ ລົງຂົ້ວໃສ່ຫອມບົ່ວໃຫ້ສຸກ. ໝັ່ນຄົນໃຫ້ຊີ້ນແຢກອອກຈາກກັນ.

3. ຝົນຂີງໃສ່ ປະມານ​1 ບວ່ງກາເຟ

4. ໃສ່​ສະອິ້ວຍີ່ປຸ່ນ,​ ສະອິ້ວກິໂກແມນ, ມິຣິນ,​ ແລະນ້ຳຕານ.​ຄົນໃຫ້ເຂົ້າກັນດີ ປິດຝາຫມໍ້ໄວ້ປະມານ 5ນາທີ​ໃຫ້ນ້ຳມັນຊຶມເຂົ້າເນື້ອດີແລ້ວ, ຊີມ​ ໃຫ້ໄດ້ລົດຊາດຕາມໃຈມັກ ແລ້ວ​ປິດໄຟ.​

5. ວິທີເສີບ, ຕັກເຂົ້າໃສ່ຖ້ວຍ,​ຕັກຂົ້ວຊີ້ນໃສ່ທາງຫນ້າ, ແກະໄຂ່ລວກລົງ,​ແລ້ວ​ຜັກຫອມບົ່ວໂຮຍ.​ກຽມ​ກິນໄດ້​:)​