2 ຄົນ · ງ່າຍ · 30 ນາທີ · ₭ ຖືກ

ມື້້ນີ້ ຄິດຢາກກິນ ຜັດໆ ກັບເຂົ້າຈ້າວຮ້ອນໆ ກະເລີຍມາເຮັດ ຜັດເຜັດໝູ. ສູດທີ່ຂ້ອຍມັກເຮັດກິນປະຈຳ ຕາມນີ້ເດີ :) ໃຜມັກກະໄປລອງເຮັດໄດ້.

ເຄື່ອງປຸງ

• ຊີ້ນໝູສົດ 150 ກຣາມ, ຊອຍເປັນຕ່ອນບາງ
• ໝາກເຂືອປ້ອມ 4 ໜ່ວຍ, ຜ່າເປັນ ສີ່ປ່ຽງ
• ເຫັດຫູໜູແຫ້ງ 1 ຖ້ວຍນ້ອຍ, ແຊ່ນ້ຳໃຫ້ອ່ອນ ແລ້ວ ມາຊອຍເປັນຕ່ອນພໍດີຄຳ
• ເຫັດຝລັ່ງ 4 ດອກ, ຊອຍເປັນຕ່ອນພໍດີຄຳ
• ຜັກບົວລະພາ ½ ຖ້ວຍນ້ອຍ
• ນ້ຳມັນພືດ 2 ບ່ວງແກງ
• ເຄື່ອງພິກແກງແດງ 1 ບ່ວງແກງ
• ນ້ຳຕານປີ໊ບ 1 ບ່ວງກາເຟ
• ນ້ຳປາ ½ ບ່ວງກາເຟ
• ນ້ຳມັນຫອຍ 1 ບ່ວງກາເຟ
• ຄະນໍຜົງ ½ ບ່ວງກາເຟ

ວິທີເຮັດ

1. ຕັ້ງໝໍ້ໃສ່ນ້ໍາມັນແລະໜ້າແກງເຜັດລົງໄປຂົ້ວໃຫ້ຫອມ ແລ້ວເອົາຊີ້ນໝູລົງໄປຜັດໃຫ້ສຸກ (ຖ້າມັນແຫ້ງໂພດໃຫ້ໃສ່ນ້ຳໜ້ອຍຫນຶ່ງ) ຫລັງຈາກນັ້ນໃສ່ໝາກເຂືອລົງໄປຜັດພໍໄກ້ສຸກ.

2. ຕາມດ້ວຍເຫັດຊັມປິງຢອງກັບເຫັດຫູໜູ ປຸງເຄື່ອງປຸງທຸກຢ່າງລົງໄປ ຊິມລົມຕາມຕາມມັດ ແລ້ວຂົ້ວຕໍ່ອີກບຶດໜື່ງ.

3. ໃສ່ບົວລະພາລົງໄປ ແລ້ວຄົນພໍແຕ່ບົວລະພາຫຍອບກໍ່ເປັນອັນແລ້ວ ແລະຈັດເສີບພ້ອມເຂົ້າຈ້າວຮ້ອນໆ