4 ຄົນ · ປານກາງ · 40 ນາທີ · ₭ ປານກາງ

ວິທີເຮັດປາປ້ຽວຫວານ ຈືນປາກອບໆ ແລະ ຊ໊ອສປ້ຽວຫວານ ແຊບໆ ຈາກຜັກແລະໝາກນັດ. ເຮັດແລ້ວເສີບ ກິນກັບເຂົ້າຈ້າວນີ້ ສຸດຍອດເລີຍ !

ວິດິໂອ

ເຄື່ອງປຸງ

ເຄື່ອງສຳລັບຈືນປາ

• ປານິນເປັນໂຕ 1 ໂຕ, ຄົວແຍກ ກ້າງ ແລ້ວ ຕ່ອນຊີ້ນອອກ
• ແປ້ງທອດໂກກິ 1 ຖ້ວຍນ້ອຍ, ເຄືອບປາກ່ອນຈືນ
• ຂີງ 6 ປ່ຽງ
• ນ້ຳມັນພືດ 1 ລິດ

ເຄື່ອງເຮັດນ້ຳຊ໊ອສ

• ໝາກນັດ 1 ຖ້ວຍນ້ອຍ, ຊອຍເປັນຕ່ອນພໍດີຄຳ
• ເຜັດຂຽວໃຫຍ່ 1 ໜ່ວຍ, ຊອຍເປັນຕ່ອນພໍດີຄຳ
• ໝາກແຕງ 1 ໜ່ວຍ, ຊອຍເປັນຕ່ອນພໍດີຄຳ
• ໝາກເລັ່ນ 1 ໜ່ວຍ, ຊອຍເປັນຕ່ອນພໍດີຄຳ
• ຫອມບົ່ວໃຫຍ່ 1 ຫົວ, ຊອຍເປັນຕ່ອນພໍດີຄຳ
• ກະທຽມ 4 ກີບ, ສັບຕ່ອນນ້ອຍ
• ຫອມບົ່ວໃບ 2 ກ້ານ, ຊອຍໄວ້ໂຮຍໜ້າ
• ເກືອ 1 ບ່ວງກາເຟ
• ນ້ຳຕານ 3 ບ່ວງແກງ
• ນ້ຳມັນຫອຍ 2 ບ່ວງແກງ
• ຊ໊ອດໝາກເລັ່ນ 2 ບ່ວງແກງ
• ພິກໄທດຳປົ່ນ 1 ບ່ວງແກງ
• ນ້ຳ 3 ບ່ວງແກງ, ຫລຸດຫລືເພີ່ມເລັກໜ້ອຍໄດ້
• ນ້ຳມັນພືດ 2 ບ່ວງແກງ

ວິທີເຮັດ

1. ຊອຍປາ ເປັນຕ່ອນສ່ຳນິ້ວມື. ແລະຈົ່ງກ້າງກັບຫົວໄວ້ຈືນຕາມຫລັງ

2. ໃສ່ນ້ຳມັນລົງໝໍ້ຂາງ, ຕາມດ້ວຍຂີງຝານບາງ.

3. ເອົາຊີ້ນປາ ເອືອບກັບແປ້ງທອດໃຫ້ທົ່ວ, ຖ້າໃຫ້ນ້ຳມັນຮ້ອນ ຈິ່ງເອົາ ປາລົງຈືນ( ຢາຍຕ່ອນປາລົງຢ່າໃຫ້ຕິດກັນ). ຈືນໃຫ້ສຸກເຫລືອງກອບ ແລ້ວຕັກອອກໄວ້.

4. ເອົາກ້າງປາແລະຫົວ ລົງໄປຈືນໃນໝໍ້ຕໍ່ ຈົນເຫລືອງແຫ້ມ ແລ້ວຕັກອອກໄວ້.

5. ກຽມເຮັດຊ໊ອສ:

-ໃສ່ນ້ຳມັນ ປະມານ 2 ບ່ວງແກງ ໃນໝໍ້ກະທະ ແລ້ວ ເອົາກະທຽມ ແລະ ຫອມບົ່ວໃຫຍ່ ໃຫ້ເຫລືອງຫອມກ່ອນ, ຈາກນັ້ນເອົາ ຜັກທີ່ຊອຍທັງໝົດລົງ, ແລ້ວໃສ່ໝາກນັດ ຕາມຫລັງ. ຂົ້ວໃຫ້ພໍຫອມ

- ໃສ່ນ້ຳມັນຫອຍ, ຊ໊ອສໝາກເລັ່ນ, ຕື່ມນ້ຳ ໜ້ອຍ ໜຶ່ງ, ໃສ່ເກືອໜ້ອຍໜຶ່ງ, ນ້ຳຕານ, ແລະ ພິກໄທປົ່ນ. ຂົ້ວໃຫ້ເຂົ້າກັນປະມານ 2 ນາທີ ແລະຊີມລົດຊາດຕາມໃຈມັກ. ແລ້ວ ເທຕ່ອນປາທີ່ຈືນລົງ. ຄົນໃຫ້ເຂົ້າກັນ ແລ້ວ ໂຮຍດ້ວຍ ຫອມບົ່ວຊອຍ. ຖອກລົງຈານທີ່ມີກ້າງປາຈືນ. ມາເດີ..ພ້ອມເສີບ ກິນກັບເຂົ້າຈ້າວຮ້ອນໆ!