1 ຖ້ວຍ · ປານກາງ · 40 ນາທີ · ₭ ຖືກ

ຕົ້ມແຊ໋ບຕີນໄກ່ ເປັນ ອາຫານຂຶ້້ນຊື່ ຕາມຮ້ານ ກັບແກ້ມ ແຄມທາງ ໃນບ້ານເຮົາ ຫລາຍຄົນ ຮູ້ຈັກດີ. ມັນມີຄວາມເຜັດ, ຮ້ອນ, ສົ້ມ. ສົມກັບ ຄຳວ່າແຊ໋ບ ອີຫລີ ! ມື້້ນີ້ ລອງມາແຕ່ງ ກິນເອງເບິ່ງເນາະ :)

ວິດິໂອ

ເຄື່ອງປຸງ

• ຕີນໄກ່ 10 ຕ່ອນ, ຕັດເລັບອອກ ແລ້ວລ້າງໃຫ້ສະອາດ
• ກະທຽມ 2 ກີບ
• ຫອມບົ່ວແດງ 3 ຫົວ, ປອກແລະ ຜ່າເຄິ່ງ
• ຫົວສີໄຄ 3 ກ້ານ, ຕັດເປັນທ່ອນ
• ເຜັດດິບ 5 ໜ່ວຍ
• ໝາກເຜັດແຫ້ງ 10 ໜ່ວຍ
• ເຫັດເຟືອງ 6 ດອກ, ລ້າງສະອາດ ແລະ ຜ່າເຄິ່ງ
• ໝາກຂາມປຽກ 1 ບ່ວງແກງ
• ໃບຂີ້ຫູດ 6 ໃບ
• ຫອມເປ 3 ກ້ານ, ຊອຍຕ່ອນໃຫຍ່
• ຜັກບົວລະພາ ½ ຖ້ວຍນ້ອຍ
• ຄະນໍຕົ້ມຍຳກ້ອນ 1 ກ້ອນ
• ພິກເຜົາ 1 ບ່ວງແກງ
• ເກືອ 1 ບ່ວງກາເຟ
• ແປ້ງນົວ 1 ບ່ວງກາເຟ, ບໍ່ມັກບໍ່ໃສ່
• ນ້ຳປາ 1 ບ່ວງແກງ
• ນ້ຳ 1 ລິດ

ວິທີເຮັດ

1. ຕຳໝາກ ເຜັດແຫ້ງ, ເຜັດດິບ, ກະທຽມ. ໃສ່ ເກືອ ແລະ ແປ້ງນົວ ໃຫ້ແຫລກ. ແລ້ວ ເອົາໄປໃສ່ໝໍ້.

2. ໃສ່ຕີນໄກ່, ພີກເຜົາ, ຫົວສີໄຄ, ແລະນ້ຳປາ. ຂົ້້ວໃຫ້ ເຂົ້້າກັນຈົນຫອມ.

3. ໃສ່ນ້ຳ, ຕາມດ້ວຍ ໝາກຂາມປຽກ,ຫອມບົ່ວແດງ, ຄະນໍກ້ອນ, ໝາກເຜັດແຫ້ງ. ແລ້ວ ຕົ້ມປິດຝາໄວ້ ປະມານ 15 ນາທີ( ຫລືດົນກວ່ານັ້ນ ຖ້າມັກຕີນໄກ່ເປື່ອຍ)

4. ຈາກນັ້ນ ໃສ່ເຫັດ ເຟືອງ ແລະ ໃບຂີ້ຫູດ ຕົ້້ມໃຫ້ເຫັດສຸກ ປະມານ 5-10 ນາທີ.

5. ຊີມລົດຊາດ ຕາມໃຈມັກ, ແລ້ວໃສ່ ຜັກຫອມເປ ແລະ ໃບບົວລະພາ. ຕັກເສີບ, ພ້ອມ ແຊ໋ບໄດ້ເລີຍ.