4 ຄົນ · ປານກາງ · 60 ນາທີ · ₭ ປານກາງ

ມາມາ ຫິ້ວເຂົ້າໜຽວ ຮ້ອນໆ ມາເດີ... ມາ ກິນຈືນ ຊີ້ນນຳກັນ :)

ເຄື່ອງປຸງ

• ຊີ້ນງົວ 1 ກິໂລ
• ຂີງສົດ 1 ຖ້ວຍນ້ອຍ
• ງາຂາວ 2 ບ່ວງແກງ
• ເກືອ 1 ບ່ວງກາເຟ
• ນ້ຳຕານ 4 ບ່ວງແກງ
• ນ້ຳປາ 3 ບ່ວງແກງ

ວິທີເຮັດ

1. ຊອຍຊີ້ນຕ່ອນໜາ ປະມານ 1 ເຊັນ ປະໄວ້ໃສ່ຊາມ.

2. ບົດ ຫລື ຕຳຂີງ ໃຫ້ມຸ່ນ ແລ້ວ ນຳໄປ ບີບເອົາແຕ່ ນ້ຳຂີງ ໃສ່ຊາມຊີ້ນ (ເອົາເຫຍື້ອຂີງ ນັ້ນຖິ້ມ), ໃສ່ນ້ຳປາ, ເກືອ, ນ້ຳຕານ ແລະ ງາຂາວ, ຄົນໃຫ້ເຂົ້າກັນດີ.

3. ໝັກໄວ້ ຢ່າງຕ່ຳ 30 ນາທີ ແລະ ເອົາໄປ ຕາກແດດ 1 ມື້ ໃຫ້ແຫ້ງ (ເກັບໃສ່ ຕູ້ເຢັນ ຫລື ຊ່ອງແຊ່ແຂງໄວ້ກິນດົນ)

4. ເວລາ ເອົາມາຈືນ: ໃຫ້ຄ້າງໝໍ້ ນ້ຳມັນຈົນຮ້ອນ ແລ້ວ ຈຶ່ງເອົາຊີ້ນລົງຈືນ ປະມານ 1 ນາທີ ຫລື ຈົນກວ່າ ຊີ້ນ ກອບ ແລະ ເຫລືອງແຫ້ມ. ຕັກອອກມາ ໃຫ້ ສະເດັດ ນ້ຳມັນ ແລ້ວ ແຊບໄດ້.