4 ຄົນ · ງ່າຍ · 30 ນາທີ · ₭ ຖືກ

ມື້ໃດ ມີເວລາ ຫວ່າງໆ ຢູ່ນຳຄອບຄົວ ເປີດຕູ້ເຢັນ ເຫັນໄຂ່ເຕັມ. ມື້ນີ້ ເລີຍໄດ້ເຮັດ 'ຍຳສະຫລັດໄຂ່'. ມາເດີ ລອງເຮັດເບິ່ງ ງ່າຍໆ ຕາມສູດລຸ່ມນີ້ເລີຍ.

ເຄື່ອງປຸງ

• ຜັກສະຫລັດນ້ອຍ 100 ກຣາມ
• ຜັກກາດຂາວນ້ອຍ 100 ກຣາມ
• ໝາກເລັ່ນ 4 ໜ່ວຍ
• ໝາກແຕງ 1 ໜ່ວຍ
• ຫອມບົ່ວໃບ 4 ກ້ານ
• ຜັກເຊນາລີນ້ອຍ 4 ກ້ານ
• ໄຂ່ຕົ້ມ 15 ໜ່ວຍ
• ກະທຽມ 10 ກີບ
• ຫອມບົ່ວແດງ 5 ຫົວ
• ນ້ຳຕານ 15 ບ່ວງແກງ, ໜ້ອຍຫລືຫລາຍຕາມມັກ
• ໝາກນາວ 2 ໜ່ວຍ
• ນ້ຳປາ 2 ບ່ວງແກງ
• ເກືອ 2 ບ່ວງກາເຟ
• ຖົ່ວດິນຂົ້ວ 8 ບ່ວງແກງ
• ນ້ຳມັນພືດ 2 ບ່ວງແກງ
• ນ້ຳ 5 ບ່ວງແກງ

ວິທີເຮັດ

ຂັ້ນຕອນ 1: ລ້າງຜັກ, ຫມາກເລັ່ນ, ຫມາແຕງ ແລະ ຫອມ ແລະຊອຍເປັນຕ່ອນ ພັກໄວ້ໃຫ້ສະເດັດນ້ຳ.

ຂັ້ນຕອນ 2: ຕຳກະທຽມຜັກບົ່ວ ແລ້ວນຳໄປຂົ້ວໃສ່ນ້ຳມັນໃຫ້ຫອມ ແລ້ວເອົານ້ຳຕານລົງ ຂ້ຽວເຮັດໄຟອ່ອນ ຈົນອອກແດງໆ ແລ້ວຕື່ມນ້ຳ ຕົ້້ມໃຫ້ນ້ຳຕານລະລາຍ ແລ້ວປະໄວ້ໃຫ້ເຢັນ

ຂັ້ນຕອນ 3: ປອກໄຂ່ ແລະ ຕັດເປັນຕ່ອນ 5 ຫນ່ວຍ ໄວ້ເສີບໃສ່ຈານຍຳ ອີກ 10 ຫນ່ວຍ ແມ່ນເອົາແຕ່ໄຂ່ແດງ ອອກມາຕີໃສ່ກັບນ້ຳຕານໃຫ້ລະລາຍ.

ຂັ້ນຕອນ 4: ປຸງລົດນ້ຳຍຳດ້ວຍ ຫມາກນາວ, ເກືອ, ນ້ຳປາ ແລະ ຕຳຖົ່ວດິນໃສ່.

ຂັ້ນຕອນ 5: ຈັດຜັກທັງຫມົດໃສ່ຊາມໃຫຍ່ ແລະ ຖອກນ້ຳຍຳລົງຄົນ ເບົາໆໃຫ້ເຂົ້້າກັນ. ຈາກນັ້ນ ຈັດໃສ່ຈານເສີບ ພ້ອມກັນ ໄຂ່ ແລະຖົ່ວດິນໂຮຍຫນ້າອີກ. ແຊບ!