ອາຫານລາວ ຈັດເປັນອາຫານທີ່ແຊບ ແລະມີເອກະລັກສະເພາະ. ສ່ວນໂຕໄດ້ ຄັດມາ 5 ອັນດັບອາຫານ ທີ່ກິນຜ່ານມາ ແລ້ວຮູ້ສຶກວ່າເຂົ້າກັບເບຍ ໄດ້ດີ ວ່າຊັ້ນ :)

1. ຕຳໝາກຫຸ່ງ

ຕຳໝາກຫຸ່ງ ແມ່ນອາຫານ ທີ່ນິຍົມຢູ່ທົ່ວທຸກພາກຂອງລາວ ກິນກັບເຂົ້າກໍ່ໄດ້ ຫລື ໄວ້ແກ້ມກັບເບຍຍິ່ງດີ. ຢູ່ລາວເອີ້ນ- ຕຳໝາກຫຸ່ງ - ຢູ່ໄທເອີ້ນສົ້ມຕຳ- ຕຳໄທ ບໍ່ໃສ່ ປາແດກ, ສ່ວນຕຳລາວແມ່ນຕ້ອງມີປາແດກມາເຕັມໆ.

2. ລາບ

ລາບ ແມ່ນເຮັດມາຈາກຊີ້ນ ອາດຈະດິບ ຫຼື ສຸກກໍ່ໄດ້ຕາມໃຈມັກ. ຖ້າເປັນຊີ້ນໝູ, ເປັດ ແລະໄກ່ ຕ້ອງເຮັດສຸກ. ລາບແມ່ນການ ປະສົມປະສານ ກັນລະຫວ່າງຊີ້ນ ກັບ ຜັກຫອມຄົບເຊັດຫລາຍແນວ ເຊັ່ນ: ຫອມລາບ, ຫອມປ້ອມ, ຫອມເປ, ຫອມບົ່ວໃບ, ກະທຽມ ແລະ ຫອມບົ່ວແດງ. ສ່ວນເຄື່ອງປຸງລົດ ແມ່ນ ໃສ່ ໝາກນາວ (ຫລືເພ້ຍ), ປາແດກ ແລະ ໝາກເຜັດ. ເຄັດລັບທີ່ເຮັດໃຫ້ເປັນລາບ ນັ້ນຄື ເຂົ້າຂົ້ວ.

3. ຂົ້ວຜັກບົ້ງໄຟແດງ

ຂົ້ວຜັກບົ້ງໄຟແດງສົດໆກອບໆ ດີຕໍ່ສຸຂະພາບ ແລະ ແນ່ນອນ ເຜັດໆຈຶ່ງແຊບຈານນີ້ເໝາະກັບກິນແກ້ມເບຍທີ່ສຸດ. ເປັນເມນູທີ່ ເຮັດງ່າຍແລະໄວ. ມີລົດຊາດແບບອາຊີແທ້ໆຈາກກິ່ນຂອງກະທຽມ, ລົດຊາດສະອິ້ວຂາວ, ເຕົ້າຈ້ຽວ, ແລະ ນ້ຳມັນຫອຍ, ແລະ ແນ່ນອນ ໝາກເຜັດທີ່ໃສ່ໄປ.

4. ເຂົ້າຈີ່ ແຊນວິດລາວ

ເຂົ້າຈີ່ ແຊນວິດແບບລາວ ມີຫລາຍແບບ ຫລາຍລົດຊາດ. ຖ້າແບບ ເຂົ້າຈີ່ຫວຽດນາມ ແມ່ນໃສ່ປາເຕ້, ໝູແດງ ແລະ ຢໍ່ໝູ, ແຕງດອງ ຫລື ກາລົດດອງ. ແຕ່ແບບນີ້ພິເສດ ເຫັນຢູ່ບາງທ້ອງຖິ່ນ ເຮັດໄສ້ ແບບຂົ້ວຊີ້ນງົວສະເຕັກ ແລ້ວມາໃສ່ ເຂົ້າຈີ່. ແຖມໃສ່ ພິກໄທປົ່ນຫລາຍໆ ແລະ ຫອມປ້ອມນຳ ມັນເປັນຫຍັງທີ່ ລອງກັບເບຍແລ້ວ ລົງໂຕສຸດ.

5. ຊີ້ນແຫ້ງ

ຊິ້ນແຫ້ງຫຼືຊີ້ນຫຼອດຈານນີ້ ກວ່າຊິເປັນແບບນີ້ ແມ່ນ ຕ້ອງໄດ້ເອົາຊີ້ນສົດ ມາຊອຍ, ເອືອບດ້ວຍ ກະທຽມ, ຂີງ, ນ້ຳຕານ, ສະອິ້ວຂາວ, ແລະໝາກງາ, ກ່ອນນຳອອກຕາກແດດຈົນແຫ້ງ ແລ້ວນຳມາຈືນ. ກິນຄູ່ກັບເຂົ້າໜຽວຮ້ອນໆນີ້ ແຊບຫລາຍ ຫລື ຊິແກ້ມກັບເບຍ ກະເຂົ້າກັນ ເຂົ້າກັນ ວ່າຊັ້ນ!

like ເກັບໄວ້ ແຊຕໍ່