2 ຄົນ · ປານກາງ · 50 ນາທີ · ₭ ຖືກ

ໝົກປາດຸກແບບລາວໆ ປຸງແບບໃສ່ຫອມບົ່ວ, ຜັກຊີ ແລະ ຜັກອີຕູ່ ດອກແຫຼ້ຫລາຍໆ, ແລ້ວຢອດໃສ່ປາແດກ ແລະ ເຮັດເຜັດໜ້ອຍໜຶ່ງ. ອາຫານສວາຍມື້ນີ້ ມັນຄືທີ່ສຸດຂອງຄວາມແຊບເລີຍ.

ວິດິໂອ

ເຄື່ອງປຸງ

• ປາດຸກພັນ 500 ກຣາມ
• ເຜັດດິບ 6 ໜ່ວຍ
• ກະທຽມ 5 ກີບ
• ຫົວສີໄຄ 2 ກ້ານ
• ຫອມບົ່ວແດງ 2 ຫົວ
• ເກືອ 1 ບ່ວງກາເຟ
• ແປ້ງນົວ 1 ບ່ວງກາເຟ, ບໍ່ມັກບໍ່ໃສ່
• ປາແດກ 1 ບ່ວງແກງ, ຫລື ຊິໃສ່ນ້ຳປາແທນກະໄດ້
• ເຂົ້າເບືອ
• ຫອມບົ່ວໃບຊອຍ 2 ບ່ວງແກງ
• ຜັກຊີສົດ 2 ບ່ວງແກງ
• ຜັກອີຕູ່ ດອກແຫຼ້ 4 ບ່ວງແກງ

ວິທີເຮັດ

1. ຕຳເຄື່ອງ: ໝາກເຜັດ, ກະທຽມ, ຫອມບົ່ວແດງ, ຫົວສີໄຄ, ເກືອ ແລະ ແປ້ງນົວ. ຕຳໃຫ້ແຫລກຕາມໃຈມັກ.

2. ເອົາເຄື່ອງໄປຄົນໃສ່ຕ່ອນປາໃນຊາມ, ໃສ່ເຂົ້າເບືອ, ປາແດກ ຫລືນ້ຳປາ ຢອດໃສ່. ແລ້ວໃສ່ຫອມບົ່ວ, ຜັກຊີໝ ແລະ ທີ່ສຳຄັນຄືຜັກອີຕູ່. ຄົນທັງໝົດ ໃຫ້ເຂົ້າເນື້ອປາດີ.

3. ນຳໃບຕອງມາຫໍ່ ແລ້ວ ໄປໜຶ້ງໄຟກາງ ຫາ ແຮງ ປະມານ 30 ນາທີ. ເມື່ອສຸກແລ້ວ ໄຂອອກມາເສີບໄດ້, ຕຽມເຂົ້າໜຽວມາຄຸ້ຍໄດ້ເລີຍ :)