ເມນູງ່າຍໆ ແລະ ແຊບໆ ເປັນ ກັບແກ້ມກະໄດ້. ມາເບິ່ງ ວິທີ ລວກກຸ້ງ ແລະ ເຮັດແຈ່ວ ລົດເດັດ ກັນເລີຍ.
1. ນ້ຳເອົານ້ຳໃສ່ຫມໍ້+ ເກືອ ຕົ້ມຈົນນ້ຳຟົດ ແລ້ວເອົາກຸ້ງລົງ ປະມານ 3-5 ນາທີ ຈົນກຸ້ງປ່ຽນສີ ແລ້ວກໍ່ຕັກອອກ ( ພະຍາຍາມຢ່າຕົ້ມດົນຫລາຍເພາະ ເປືອກກຸ້ງ ຈະຕິດຊິ້ນ ແກະກິນຍາກ)
2. ເອົາຫມາກເຜັດ+ກະທຽມ+ຂີງ+ຫອມປ້ອມຊອຍ+ເກືອ ໃສ່ຄົກ ແລ້ວຕຳໃຫ້ລະອຽດ ຈາກນັ້ນໃສ່ນ້ຳຕານ+ແປ້ງນົວ+ນ້ຳຫມາກນາວ+ນ້ຳປາ ຕຳໃສ່ກັນ ຊິມລົດຊາດ ສາມາດປຸງຕື່ມໄດ້ຕາມມັກ ( ຖ້າບໍ່ມີຄົກຕຳ ແມ່ນສາມາດ ນຳເອົາເຄື່ອງປຸງ ທັງໝົດ ໃສ່ເຄື່ອງປັ່ນ, ປັ່ນໃຫ້ລະອຽດໄດ້)