4 ຄົນ · ງ່າຍ · 25 ນາທີ · ₭ ປານກາງ

ເມນູງ່າຍໆ ແລະ ແຊບໆ ເປັນ ກັບແກ້ມກະໄດ້. ມາເບິ່ງ ວິທີ ລວກກຸ້ງ ແລະ ເຮັດແຈ່ວ ລົດເດັດ ກັນເລີຍ.

ເຄື່ອງປຸງ

• ກຸ້ງຂະໜາດກາງ 800 ກຣາມ
• ເກືອເມັດໃຫຍ່ 1 ບ່ວງກາເຟ
• ນ້ຳ 500 ມິນລີລິດ
• ເຜັດດິບ 5 ໜ່ວຍ
• ກະທຽມ 3 ກີບ
• ຂີງສົດ 1 ຕ່ອນ
• ຫອມປ້ອມ 1 ກ້ານ
• ນ້ຳຕານ 1 ບ່ວງແກງ
• ແປ້ງນົວ 1 ບ່ວງກາເຟ
• ເກືອເມັດໃຫຍ່ ¼ ບ່ວງກາເຟ
• ນ້ຳປາ 2 ບ່ວງແກງ
• ນ້ຳໝາກນາວ 2 ບ່ວງແກງ

ວິທີເຮັດ

1. ນ້ຳເອົານ້ຳໃສ່ຫມໍ້+ ເກືອ ຕົ້ມຈົນນ້ຳຟົດ ແລ້ວເອົາກຸ້ງລົງ ປະມານ 3-5 ນາທີ ຈົນກຸ້ງປ່ຽນສີ ແລ້ວກໍ່ຕັກອອກ ( ພະຍາຍາມຢ່າຕົ້ມດົນຫລາຍເພາະ ເປືອກກຸ້ງ ຈະຕິດຊິ້ນ ແກະກິນຍາກ)

2. ເອົາຫມາກເຜັດ+ກະທຽມ+ຂີງ+ຫອມປ້ອມຊອຍ+ເກືອ ໃສ່ຄົກ ແລ້ວຕຳໃຫ້ລະອຽດ ຈາກນັ້ນໃສ່ນ້ຳຕານ+ແປ້ງນົວ+ນ້ຳຫມາກນາວ+ນ້ຳປາ ຕຳໃສ່ກັນ ຊິມລົດຊາດ ສາມາດປຸງຕື່ມໄດ້ຕາມມັກ ( ຖ້າບໍ່ມີຄົກຕຳ ແມ່ນສາມາດ ນຳເອົາເຄື່ອງປຸງ ທັງໝົດ ໃສ່ເຄື່ອງປັ່ນ, ປັ່ນໃຫ້ລະອຽດໄດ້)