4 ຄົນ · ປານກາງ · 50 ນາທີ · ₭ ຖືກ

ອາຫານພື້ນ ບ້ານ ອີກ ອັນໜຶ່ງ ຂອງ ບ້ານເຮົາ ກໍ່ຄື ໝົກໜໍ່ໄມ້. ລົດຊາດ ທີ່ ເປັນເອກະລັກ ແລະ ຊັບຊ້ອນ ໄປດ້ວຍ ຜັກຫອມ ບວກກັບ ເຄື່ອງປຸງຕ່າງໆ ເຂົ້າກັນໄດ້ດີ. ມື້້ນີ້ ໃຊ້ສູດ ຜັກຂະແຍງ ເປັນຫລັກ ແລະ ໃສ່ນ້ຳປາຫວຽດ ແທນ ປາແດກ ແຕ່ ບອກໄດ້ຄຳດຽວ ວ່າແຊບ ເຮັ່ງ :).

ວິດິໂອ

ເຄື່ອງປຸງ

• ໜໍ່ຕົ້ມຊອຍ 1 ຖ້ວຍ, ຊິຕົ້ມເອງ ຫລື ຊື້້ ຫນໍ່ຕົ້ມເລີຍກໍ່ໄດ້
• ຊີ້ນໝູສົດ 200 ກຣາມ
• ຜັກຂະແຍງ 1 ຖ້ວຍນ້ອຍ
• ເຜັດດິບ 6 ໜ່ວຍ, ໜ້ອຍ ຫລາຍ ຕາມໃຈ
• ຫົວສີໄຄ 6 ກ້ານ
• ນ້ຳຢານາງ 1 ຖ້ວຍນ້ອຍ
• ເຂົ້າເບືອ 1 ຖ້ວຍນ້ອຍ, ປົນນ້ຳ ໃສ່ໜ້ອຍນຶ່ງ
• ເກືອ ½ ບ່ວງແກງ
• ນ້ຳປາ 2 ບ່ວງແກງ
• ນ້ຳມັນຫອຍ 1 ບ່ວງແກງ

ວິທີເຮັດ

1. ຊອຍຜັກຂະແຍງ

2. ຊອຍ ແລະ ຟັກ ຊີ້ນໝູ ເປັນຕ່ອນນ້ອຍໆ

3. ເອົາ ຖ້ວຍໃຫຍ່ ມາ, ໃສ່ ໜໍ່ ໄມ້ ລົງໄປ, ຕາມດ້ວຍ ຊີ້ນໝູ, ໝາກເຜັດຕຳ, ຫົວສີໄຄ, ຜັກຂະແຍງ, ນ້ຳຢານາງ, ເຂົ້າເບືອ

4. ປຸງລົດດ້ວຍ ເກືອ, ນ້ຳປາ, ແລະ ນ້ຳມັນຫອຍ. ແລ້ວ ຄົນໃຫ້ເຂົ້າກັນ. ແຕະຊີມເບິ່ງໃຫ້ພໍດີ.

5. ຄົນໃຫ້ເຂົ້າກັນ ແລ້ວນຳໄປຫໍ່ ໃສ່ໃບຕອງ ແລ້ວ ເອົາໄປໜຶ້ງ ປະມານ 30 ນາທີ. ເອົາອອກມາ ໄຂ ພ້ອມເສີບ. ເຂົ້າໜຽວ ຄຸ້ຍ ແຊບ :)