1 ຈານ · ງ່າຍ · 20 ນາທີ · ₭ ຖືກ

ຊຸບຜັກເປັນອາຫານລາວ, ອາຫານບ້ານໆທີ່ດີຕໍ່ສຸຂະພາບ ແລະເຕັມໄປດ້ວຍວິຕາມິນ ແຖມ ລົດຊາດແຊບແບບລາວໆ.

ວິດິໂອ

ເຄື່ອງປຸງ

• ຜັກລວມມິດ 1 ຖ້ວຍ
• ເຫັດນາງລົມສົດ 1 ຖ້ວຍນ້ອຍ, ຫຼືໃສ່ເຫັດອື່ນກໍ່ໄດ້
• ເກືອເມັດໃຫຍ່ 1 ບ່ວງກາເຟ
• ແປ້ງນົວ 1 ບ່ວງກາເຟ
• ນ້ຳປາ 1 ບ່ວງແກງ, ໃຜມັກໃສ່ປາແດກແທນກະໄດ້
• ຂີງສົດ 1 ຖ້ວຍນ້ອຍ, ໃຫ້ເອົາຂີງນ້ອຍຈະຫອມແຊບດີ
• ເຜັດຜົງ 1 ບ່ວງແກງ, ມັກເຜັດໃສ່ຫລາຍ
• ງາຂົ້ວ 1 ບ່ວງແກງ, ຕຳມຸ່ນ
• ນ້ຳ 1 ລິດ, ໃຊ້ໄວ້ລວກຜັກ

ວິທີເຮັດ

1. ຕົ້ມນ້ຳ ໃຫ້ຟົດ ແລ້ວເອົາຜັກ ແລະ ເຫັດ ລົງລວກປະມານ 5 ນາທີ. ແລ້ວຕັກອອກ

2. ຕຳຂີງ, ເກືອ, ແປ້ງນົວ (ໃສ່ກະທຽມ ຖ້າມັກ) ຕຳໃຫ້ແຫລກ ແລ້ວໄປ ຄົນໃສ່ ຜັກທີ່ລວກໄວ້ນັ້ນ, ໃສ່ນ້ຳປາ, ແລະ ເຜັດປົ່ນ. ຄົນໃຫ້ເຂົ້າກັນ ແລ້ວຈຶ່ງໃສ່ ງາຂົ້ວຕຳ ຄົນໃຫ້ເຂົ້າກັນອີກເທື່ອໜຶ່ງ.

3. ຕັກໃສ່ຈານ ແລ້ວ ໂຮຍດ້ວຍງາຕຳອີກ ພ້ອມແຊບໄດ້.