4 ຄົນ · ປານກາງ · 60 ນາທີ · ₭ ປານກາງ

ແກງໄກ່ ແບບລາວໆ ຕ້ອງນີ້ເລີຍ 'ແກງສົ້ມໄກ່' ເມນູເດັດໆ ປະຈຳ ທ້ອງຖິ່ນ. ເວລາມີແຂກ ມາຢາມເຮືອນນີ້ຕ້ອງເສີບເມນູນີ້. ມື້ນີ້ ມາເບິ່ງ ສູດແຊບໆ ຈາກວັງວຽງ ນຳກັນເລີຍ :)

ເຄື່ອງປຸງ

• ໄກ່ເປັນໂຕ 1 ໂຕ, ຕັດເປັນຕ່ອນ
• ໝາກຂາມປຽກ 1 ບ່ວງແກງ
• ຫມາກເລັ່ນນ້ອຍ 10 ໜ່ວຍ
• ຫົວສີໄຄ 1 ກ້ານ, ທຸບພໍແຕກ
• ຂ່າ 5 ປ່ຽງ
• ຫອມບົ່ວໃຫຍ່ 1 ຫົວ, ຜ່າເປັນ 8 ບີ້ງ
• ໃບຂີ້ຫູດ 4 ໃບ
• ຫອມປ້ອມ 1 ມັດ, ຊອຍບາງ
• ຫອມເປ 1 ມັດ, ຊອຍບາງ
• ຫມາກເຜັດດິບ 2 ໜ່ວຍ, ບໍ່ມັກບໍ່ໃສ່
• ເກືອ 1 ບ່ວງແກງ
• ນ້ຳປາ 1 ບ່ວງແກງ
• ຄະນໍກ້ອນ 1 ກ້ອນ
• ນ້ຳ 1.5 ລິດ

ວິທີເຮັດ

ຂັ້ນຕອນ 1: ຄ້າງຫມໍ້ ໃສ່ນ້ຳ, ເກືອ, ຫມາກຂາມ, ຫົວສີໄຄ, ຂ່າ, ຫມາກເຜັດດິບ, ແລະ ຄະນໍ.

ຂັ້ນຕອນ 2: ພໍນ້ຳຟົດໃສ່ໄກ່ ແລະ ຕື່ມນ້ຳປາ. ຕົ້ມໄກ່ຈົນສຸກປະມານ 30ນາທີ.

ຂັ້ນຕອນ 3: ໃສ່ຫົວບົ່ວ ແລະ ຫມາກເລັ່ນ ຕົ້ມຕໍ່ປະມານ 5 ນາທີ. ຈາກນັ້ນຊອຍຫອມໃສ່ ແລະ ປົງ ພ້ອມເສີບ ກິນກັບເຂົ້າ ແລະ ແຈ່ວ. ແຊບ!