4 ຄົນ · ຍາກ · 60 ນາທີ · ₭ ປານກາງ

ປົ່ນປາ ແມ່ນເມນູໜຶ່ງ ທີ່ເປັນເອກະລັກຂອງຄົນລາວມາແຕ່ໃດ. ມັນແຊບ ແບບບ້ານໆ, ເນື້ອປາ ເນັ້ນໆ ປົນກັບໝາກເຂືອ, ແລະລົດຊາດ ກົມກ່ອມເຂົ້າກັນກັບ ປາແດກປຸກໆ, ເອົາຜັກສົດໆ ກັບເຂົ້ານຽວ ມາຄຸ້ຍ. ໂອ້ຍວ່າມາລະ ຫິວອີກລະນີ້.

ເຄື່ອງປຸງ

• ປານິນ ຫລື ປາດຸກ 500 ກຣາມ
• ນ້ຳ ½ ລິດ
• ຫມາກເຂືອ 5 ໜ່ວຍ
• ຫອມບົ່ວແດງ 4 ຫົວ
• ກະທຽມ 1 ກີບ
• ເຜັດດິບ 4 ໜ່ວຍ
• ຫົວສີໄຄ 1 ກ້ານ
• ຂ່າຊອຍ 4 ປ່ຽງ
• ປາແດກ 2 ບ່ວງແກງ
• ເກືອ 2 ບ່ວງກາເຟ
• ຫອມບົ່ວໃບຊອຍ 2 ບ່ວງແກງ
• ຫອມປ້ອມຊອຍ 2 ບ່ວງແກງ
• ຫອມເປຊອຍ 2 ບ່ວງແກງ

ວິທີເຮັດ

ຂັ້ນຕອນ1: ຫມົກ ຫົວບົ່ວແດງ, ກະທຽມ , ແລະ ຫມາກເຜັດໃຫ້ສຸກ.

ຂັ້ນຕອນ2: ຄ້າງຫມໍ້ໃສ່ນ້ຳ, ຂ່າ, ຫົວສີໄຄ, ແລະເກືອ

ຂັ້ນຕອນ 3: ພໍນ້ຳຟົດໃຫ້ໃສ່ ປາແດກ, ຫມາກເຂືອຜ່າເຄິ່ງ, ແລະ ປາ ລົງ ຫມໍ້ ຕົ້ມຈົນປາ ແລະ ຫມາກເຂືອສຸກ ປະມານ 30 ນາທີ

ຂັ້ນຕອນ 4: ຕຳຫົວບົ່ວແດງ, ກະທຽມ, ແລະ ຫມາກເຜັດ ໃສ່ເກືອປາຍບ່ວງແກງ

ຂັ້ນຕອນ 5: ຕັກປາອອກ ແລະໄຈ້ກ້າງອອກ ເອົາແຕ່ຊີ້ນ ຕຳໃສ່ຄົກທີ່ຕຳຫມາກເຜັດນັ້ນ ແລ້ວໃສ່ຫມາກເຂືອຕຳໃຫ້ມຸ່ນເຂົ້າກັນ

ຂັ້ນຕອນ6: ຕັກຫົວສີໄຄ ແລະຂ່າຖິ້ມ, ແລະ ຈົ່ງນ້ຳແກງໃນຫມໍ້ໄວ້ ປະມານ 1 ຖ້ວຍກາງ

ຂັ້ນຕອນ7: ເອົາ ປາທີ່ຕຳໃສ່ເຄື່ອງໃນຄົກລົງໃສ່ຫມໍ້ ຄືນ, ເລັ່ງໄຟກາງໃຫຟົດ ຊີມລົດຊາດ ແລະໃສ່ຫອມແລ້ວ ປິດໄຟ ພ້ອມເສີບ.

ເຄັດລັບ: ກິນກັບ ຜັດສົດ, ຫມາກແຕງ ແລະ ເຂົ້າຫນຽວ